“SOY” kompaniyasının prezidenti Oqtay Əliyev millət vəkillərinin televiziyalarda şou-biznesə məhdudiyyət qoyulması barədə təklifi ilə razı deyil.

Ak, bu gün “Özəl telekanallar və milli-mənəvi dəyərlər” mövzusunda keçirilən debatda çıxış edən O.Əliyev bildirib ki, indiki vaxtda televiziyalarda belə proqramları qadağan etmək olmaz: “Son vaxtlar Milli Məclisdə bu məsələ haqqında müzakirələr gedir. Düşünürlər ki, türk filmləri Azərbaycan televiziyalarından yığışdırılacaq, camaat Türkiyə ləhcəsində danışmayacaq, ancaq alimlər danışacaq. Bu gün ATV telekanalının adından deyə bilərəm ki, biz müğənniləri təbliğ etmirik. Sadəcə maqazin proqramlarında onları işıqlandırırıq, burada da tənqidlər daha çoxdur. Tamaşaçı əgər məntiqi tuta bilirsə, tutsun, anlaya bilmirsə öz işidir”.

O.Əliyev indi televiziyalarda peşəkarların olmadığı barədə deyilənləri təsdiqləyib: “Televiziyalarda həqiqətən də peşəkarlar yoxdur və verilişlərdə axsamalar var”.

Kampaniyanın prezidenti maariflənmək istəyən tamaşaçıları ATV-yə yox, başqa kanala baxmağa dəvət edib: “Azərbaycan tamaşaçısı əgər maariflənmək istəyirsə, onda buyursun, kanalı çevirsin və İctimai Televiziyanı izləsin. Mən özüm də o verilişlərə baxıram və maraqlı mövzuları həmin kanalda izləyirəm”.